Хитай даирилири уйғур елини миң йилдин бери башқуруп келиватимиз, диди


2006-08-24
Share

Хитай даирилири уйғур аптоном райониниң тикәс наһийисидики бостан йезисида байқалған қәдими харабилиқни хитайниң шинҗаңни миң нәччә йүз йил бурун таң сулалиси дәвридә башқурғанлиқини мадди испати, дәп җакарлиди.

Уйғур аптоном райони қәдими мираслар вә архиологийә тәтқиқат институтиниң мутәхәссиси лу анго, шинхуа ахбарат агентлиқиға тикәс дәрясиниң шималий қирғиқидики бостан йезисида тепилған қәдими қәләни шявшаңҗүн, дәп атилидиған таң сулалиси қисимлириға аит қорған, дәп тәкитлигән.

Уйғур аптоном райониниң тарихини хитай тарихчилар билән уйғур тарихчилар охшимиған нуқтида туруп чүшәндүрмәктә вә бу бәзидә хитай даирилири тәрипидин сияси мәсилә сүпитидә муамилә қилинмақта.

8 - Әсирниң оттурлирида ислам қошуни таң сулалиси қисимлирини талас дәря бойида мәғлуп қилип, хитай ханлиқлирини мәнчиң сулалисиғичә уйғур дияриға дәссимәс қиливәтти, дәп язған тарихчи турғун алмасни миллий бөлгүнчилик билән әйиблигән.

Биз бостан йезисидики қәдимки қәлә тоғрисида мәлумат елиш үчүн уйғур археолог идрис абдурусулға телефон қолған болсақму, лекин у суалиримизға җавап беришни рәт қилди. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт