Uyghur aptonom rayonining 2005 - yildiki tashqiy soda sommisi 8 milyard dollar


2006-01-13
Share

Uyghur aptonom rayonining 2005 - yildiki omumi tashqiy soda sommisi 8 milyard dollargha yéqinlashti. Aptonom rayon da'iriliri shu yilqi omumi tashqiy soda sommisining 2004 - yilgha qarighanda 40 % ashqanliqini bildürmekte.

Shinxu'a axbarat agéntliqining tekitlishche, aptonom rayonluq tamozhna idarisidiki da'iriler 8 milyard dollar tashqiy soda sommisining 5 milyard 40 milyon dollirini éksport malliri, 2 milyard 900 milyon dollirini import mehsulatliri igileydighanliqini bildürgen. Éksport towarliri kiyim - kéchek, qoshumche zapchaslar, ayaq, mashina eswapliri we éléktir mehsulatliri, toqumichiliq buyumliri, öy jahaziliri qatarliqlarni asas qilghan. Bu mehsulatlar omumi éksport miqdarining 75 % ni teshkil qilidiken.

Emma közetküchiler bu mehsulatlarning köp qisimi yerlik mehsulatlar emes, ichkiridiki karxanilarda ishlepchirilghan towarlar, dep körsetmekte. Shunga bu yerlik karxanichilarning muweppeqiyiti hésablanmaydiken.

Tamozhna da'irilirining eskertishiche, chet'eldin Uyghur aptonom rayonigha import qilin'ghan mehsulatlar xam néfit, tömür rodisi, kéreksiz polat, mis, alyuminni asas qilidu. Shinxu'a axbarat agéntliqi analizchilarning sözini neqil keltürüp, " shinjang tashqiy soda sommisining yéqinqi yillarda téz éship bérishi, xitayning ottura we gherbiy asiya elliri bilen bolghan iqtisadi hemkarliqigha tayan'ghan" deydu. Tamozhna da'iriliri 2006 - yili tashqiy soda sommisining 9 milyard dollargha yétidighanliqini qiyas qilmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet