Uyghur aptonom rayoni bilen rusiyining sibiriye rayoni otturisida tash yol qatnishi yolgha qoyulidu


2005-07-13
Share

Xitay metbu'atlirining ashkarilishiche, rusiye bilen xitay, Uyghur aptonom rayoni bilen sibiriye otturisida tash yol qatnishini yolgha qoyush shundaqla chégra éghizi échish mesilisi boyiche söhbet élip barmaqtiken.

Aptonom rayonluq tash yol transport idarisidiki da'iriler, ürümchidin rusiyining sibiriye rayonighiche tash yol yasash qurulushining yéqin kelgüside bashlinishidin ümid barliqini bildürgen.

Xewerlerge qarighanda hazir rusiyining sibiriye fédéral rayoni bilen Uyghur aptonom rayoni, sibiriye - ürümchi tash yolini yasash shundaqla chégra éghizi échish toghrisida söhbet élip barmaqta.

Tash yol liniyisi sibiriyining qosh'aghach rayonidin bashlinip, qanas arqiliq Uyghur aptonom rayonining merkizi ürümchige tütüshidiken. Chégra éghizi Uyghur aptonom rayonining qaba nahiyisi bilen rusiyining altay jumhuriyiti otturisida échilishi mumkin. Qanas, chégra éghizidiki nuqtiliq ötkel bolup qalghusi.

Xitay metbu'atlirining ashkarilishiche, ikki terep bu yil 11 - ayda chégra éghizi échish we tash yol yasash toghrisidiki pilanini öz ara almashturidiken. Eger bu yol échilsa, Uyghur aptonom rayonidin xelq'ara tashyol arqiliq alaqe qilidighan döletler 5 ke köpiyidu. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet