Xitayning Uyghur élige tutashturulghan dölet yolliri uzartildi


2005-10-23
Share

Xitayning lyenyün'gangdin bashlinip, Uyghur élige tutishidighan 312 -dölet yolining qorghasqiche uzartilip sélin'ghan bölikide yekshenbe küni resmiy qatnash mangdi. Buning bilen bir künde yene, 314 -dölet yoliningmu xushuttin korlighiche bolghan bölikige sélin'ghan yuqiri sür'etlik tash yolining qurulush ishliri pütken.

Shinxu'a agéntliqining xewirige asaslan'ghanda, lyenyün'gangdin Uyghur éligiche baridighan 312 -dölet yolining Uyghur élidiki küytün shehiridin sayram köligiche bolghan qismi 302 kilométir kélidighan bolup, bu qurulush 2002 yili 7 -ayda bashlan'ghan. Shundaqla bu Uyghur élidiki dunya bankisining meblighi bilen sélin'ghan 3 - yuqiri derijilik tash yol hésablinidu.

Bu yol arqiliq mangghanda, ürümchidin sayram köligiche bolghan 570 kilométirliq musapini peqet 7 sa'ettila tamamlighili bolidiken. Xushuttin korlighiche bolghan yuqiri sür'etlik tash yolning qurulishimu 2002 - yili bashlan'ghan bolup, buninggha texminen 2 yérim milyard yü'en meblegh sélin'ghan. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet