Xitay da'iriliri kériye nahiyiside tazilash élip bardi


2006.02.21
Share on WhatsApp
Share on WhatsApp

Töt kün ilgiri xoten wilayitining kériye nahiyiside sherqiy türkistan bayriqini nahiye bazirigha namelum kishiler teripidin tiklep qoyush weqesi yüz bergendin kéyin, xitay da'iriliri nahiye boyiche keng kölemlik axturush élip bérip, kériye nahiyisidiki 6 yashtin 40 yashqiche bolghan kishilerni soraq qilghan.

Dunya Uyghur qurultiyi bayanatchisi dilshat rishitning eskertishiche, bügün axturush we sürüshtürüsh herikitining 4 - küni iken. Dilshat rishit, yer asti diniy mekteplerge qatnishish éhtimali bar, dep qaralghanlar, tenterbiye meshiqi bilen shughullinidighanlar, türmidin qoyup bérilgen sabiq mehbuslar sürüshturush obyéktigha aylan'ghanliqini bildürdi.

Xitay da'iriliri sherqiy türkistan bayriqini hizbul teqrir partiyisining ezaliri tiklep qoyghan bolushi mumkin, dep guman qilmaqta iken.

Dunya Uyghur qurultiyi bayanatchisining eskertishiche, axturush we sürüshturush herikiti shu jaydiki dölet bixeterlik idarisi, jama'et xewpsizlik da'iriliri we nahiyilik ittipaq komitétining hemkarliqida élip bérilmaqta.

Dilshat rishit, ittipaq komitétining "Uyghur aptonom rayoni" da tunji qétim bu xil weqelerge seperwer qilinishi, dep körsetti. Dunya Uyghur qurultiyi bayanatchisining eskertishiche, hazirgha qeder nahiye boyiche 6 kishi qolgha élin'ghan. Emma bu sanning toghriliqi we axturush herikitining sherqiy türkistan bayriqini tiklesh weqesi bilen munasiwetlik yaki emeslikini da'iriler teripidin aydinglashturghili bolmidi.

Uyghur aptonom rayonining re'isi ismayil tiliwaldi ötken 2006 - yili 12- ayda "milliy bölgünchiler" ge qarshi küreshning intayin keskin élip bérilidighanliqini jakarlighan. Xitay hökümiti sherqiy türkistan küchlirini "térrorchilar" dep élan qilghan bolsimu, emma xelq'ara kishilik hoquq organliri xitay da'irilirini térrorchiliqqa qarshi turushni bahane qilip, Uyghurlarning kishilik hoquqini depsende qilmaqta, dep eyibligen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.