Qaramaydin zapas miqtari zor kölemlik teb'iy gaz bayqaldi


2007-05-18
Share

Shinxu'a axbarat agéntliqining xewer qilishiche, Uyghur aptonom rayonidiki bir néfit shirkiti qaramaydin zapas miqtari 30 milyard kup métir kélidighan zor kölemlik teb'iy gaz qatlimi bayqighan. Xewerde yéngi tépilghan teb'iy gaz qatlimidin künige 47.1 Milyon kup métir gaz ishlepchiqirish mumkinchiliki barliqini we buning bilen Uyghur aptonom rayonining shimalidiki jaylarni gaz bilen teminlesh mesilisi asanlishidighanliqini bildürdi.

Xewerde, gaz qatlimining qaysi shirket teripidin bayqalghanliqini tilgha almighan bolsimu lékin mezkur gaz qatlimining jenubiy jungghar oymanliqidin bayqalghanliqini élan qilghan. Xitay da'irilirining ashkarilishiche, jungghar oymanliqida bar, dep qaralghan omumi teb'iy gaz zapas miqtari6.8 Milyard tonna bolup, hazirghiche buning 3 den bir qisimi ispatlan'ghan.

Xitayning teb'iy gaz istimal qilish miqtari yildin - yilgha köpeymekte. U 2006- yili 6.55 Milyard kup métir teb'iy gaz istimal qilghan bolup, 2005 - yildikidin % 19 ashqan. Xitay da'iriliri Uyghur aptonom rayonidiki néfit we teb'iy gaz zapisini échish yerlik xelqning turmushini yaxshilash rolini oynaydu, dep qarisimu, lékin yerlik puqralar buning muhitni weyran qilish, su yétishmeslik we köchmenlerni köpeytiwétishtin bashqa, yerlik xelqqe héchqandaq paydisi tegmigenlikidin shikayet qilmaqta. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet