Келәр йили уйғур аптоном райони қурулғанлиқиниң 50 йиллиқини тәбрикләш паалийити елип берилиду


2004-11-05
Share

Уйғур аптоном райони келәр йили 10 - айниң 1 - күни аптоном район қурулғанлиқиниң 50 йиллиқини тәбрикләш паалийити елип бариду.

Хәвәрләргә қариғанда аптоном районлуқ һөкүмәт уйғур аптоном райони қурулғанлиқиниң 50 йиллиқини тәбрикләш тәйярлиқ комитети қурған. Урумчидики хитай мәтбуатлири, тәйярлиқ комитетиниң уйғур аптоном райони қурулғанлиқиниң 50 йиллиқини хатириләш грибини лайиһиләш паалийити қозғиғанлиқини хәвәр қилди . Уйғур аптоном райониниң 50 йиллиқ гриби, уйғур илидики мәдинийәт- сәнәт, учур, елан-сәнәт органлири вә кәспий хадимлар лайиһиләп тәйярлиқ комитетиға әвәткән гриблар ичидин талливелиниду. Грибта йәрлик миллий мәдинийәт алаһидилики вә уйғурчә-хитайчә икки хил тил- йезиқниң әкс етиши тәләп қилинған.

Уйғур аптоном райони қурулғанлиқиниң 50 йиллиқини тәбрикләш паалийитини өткүзүш мәсилиси, хитай хәлқ ишлар министирликиниң уйғур елини иккигә бөлүш пилани барлиқи һәққидики хәвәрләр ашкариланғандин кейин, мәмликәт ичи вә сиртидики уйғурлар әң диққәт қиливатқан мәсилиләрниң бири болуп қалған. Болупму аптоном районлуқ партком секретари ваң лейчүәнниң өткән йилдики “ уйғур аптоном районида 2004 вә 2005 - йиллири кәң көләмдики тәбрикләш паалийәтлири өткүзүлмәйду” дегән сөзлири бу мәсилини техиму назук бир темиға айландуруп қойған иди.

Уйғур аптоном райони 1955 -йили қурулған чағда, аптоном райондики 30 назарәт вә комитетниң 26 синиң биринчи қол рәһбәрликини уйғурлар үстигә алған. Бирақ һазир һәр қайси назарәт вә комитетларниң биринчи қол рәһбәрликини үстигә алған уйғурларниң сани 10 ғиму йәтмәйду. (Әркин )

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт