Kéler yili Uyghur aptonom rayoni qurulghanliqining 50 yilliqini tebriklesh pa'aliyiti élip bérilidu


2004-11-05
Share

Uyghur aptonom rayoni kéler yili 10 - ayning 1 - küni aptonom rayon qurulghanliqining 50 yilliqini tebriklesh pa'aliyiti élip baridu.

Xewerlerge qarighanda aptonom rayonluq hökümet Uyghur aptonom rayoni qurulghanliqining 50 yilliqini tebriklesh teyyarliq komitéti qurghan. Urumchidiki xitay metbu'atliri, teyyarliq komitétining Uyghur aptonom rayoni qurulghanliqining 50 yilliqini xatirilesh gribini layihilesh pa'aliyiti qozghighanliqini xewer qildi . Uyghur aptonom rayonining 50 yilliq gribi, Uyghur ilidiki mediniyet- sen'et, uchur, élan-sen'et organliri we kespiy xadimlar layihilep teyyarliq komitétigha ewetken griblar ichidin talliwélinidu. Gribta yerlik milliy mediniyet alahidiliki we Uyghurche-xitayche ikki xil til- yéziqning eks étishi telep qilin'ghan.

Uyghur aptonom rayoni qurulghanliqining 50 yilliqini tebriklesh pa'aliyitini ötküzüsh mesilisi, xitay xelq ishlar ministirlikining Uyghur élini ikkige bölüsh pilani barliqi heqqidiki xewerler ashkarilan'ghandin kéyin, memliket ichi we sirtidiki Uyghurlar eng diqqet qiliwatqan mesililerning biri bolup qalghan. Bolupmu aptonom rayonluq partkom sékrétari wang léychüenning ötken yildiki “ Uyghur aptonom rayonida 2004 we 2005 - yilliri keng kölemdiki tebriklesh pa'aliyetliri ötküzülmeydu” dégen sözliri bu mesilini téximu nazuk bir témigha aylandurup qoyghan idi.

Uyghur aptonom rayoni 1955 -yili qurulghan chaghda, aptonom rayondiki 30 nazaret we komitétning 26 sining birinchi qol rehberlikini Uyghurlar üstige alghan. Biraq hazir her qaysi nazaret we komitétlarning birinchi qol rehberlikini üstige alghan Uyghurlarning sani 10 ghimu yetmeydu. (Erkin )

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet