Tejribe otturining bir oqughuchisi xeterlik maddilarni saqlighanliqi üchün sürüshtürülgen


2005.04.25
Share on WhatsApp
Share on WhatsApp

Merkizi gérmaniyidiki sherqiy türkistan uchur merkizi, ürümchi tejribe ottura mektep toluq ottura birinchi yilliqtiki yüsüp abdusemetning mektep tejribixanisidiki eswaplardin paydilinip partlatquch buyumi yasighanliqi üchün qolgha élin'ghanliqini xewer qildi.

Uchur merkizining ashkarilishiche, qoralliq saqchilar mektep qorusini qorshiwalghan shundaqla yüsüp abdusemetning yatiqini axturghan. Sherqiy türkistan uchur merkizi, yüsüp abdusemetning partlatquch buyumni yatiqida saqlighanliqi bildürdi. Uchur merkizining tekitlishiche, yüsüp abdusemetning herikitini yatiqidiki oqughuchilar pash qilip qoyghan.

Emma tejribe ottura mektepning mudiri, abdusemetning partlatquch buyumi yasighanliqini shundaqla qolgha élin'ghanliqini ret qildi. Weqege saqchilar arlashmighanliqini tekitligen mektep mudiri turdi, mektep qorusining saqchilar teripidin qorshiwélin'ghanliqini shundaqla yüsüpning yatiqi axturulghanliqini inkar qildi. Mektep mudirining ashkarilishiche, yüsüp abdusemet "mektep tejribixanisidiki xeterlik ximiyilik maddilarni yatiqida saqlighan." U, yüsüp abdusemetning " solfat kislatisi" saqlighanliqini bildürdi.

Mektep mudirining chüshendürüshiche, weqe uqushmasliqtin kélip chiqqan " siyasiyliqi yoq adettiki intizam mesilisi" iken. Yüsüp abdusemet maralbéshiliq oqughuchi bolup, tejribe otturida yétip - qopup oquyttiken.

Sherqiy türkistan uchur merkizining ashkarilishiche, yüsüp abdusemet qolgha élin'ghandin kéyin uning maralbéshidiki ata - anisi ürümchige kelgen. Emma tejribe ottura mektepning mudiri, oqughuchining ata - anisi oghligha xizmet ishlesh üchün kelgenlikini bildürdi.(Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.