Qirghizistan da'iriliri, Uyghur sodigerlerni öltürüsh weqesi üstidin estayidil tekshürüsh élip baridiken


2005.05.03
Share on WhatsApp
Share on WhatsApp

Qirghizistan ötkünchi hökümitidiki da'iriler, ötken yili 4 - ayda qirghizistanning narén rayonida yüz bergen Uyghur sodigerlerni öltürüsh weqesi üstidin estayidil tekshürüsh élip baridighanliqini bildürgen.

Qirghizistan edliye ministirliqining yuqiri derijilik bir emeldari, merkizi washin'gtondiki amérika Uyghur jem'iyitining yéqinda béshkekni ziyaret qilghan mes'ul xadimigha, diloning hazirgha qeder üzül - késil pash bolmighanliqini, emma ötkünchi hökümetning dilo üstidin axiriqighche tekshürüsh élip baridighanliqini wede qilghan.

Ötken yili 4 - ayda qirghizistanning béshkek shehiridin Uyghur aptonom rayonining qeshqer shehirige mangghan yoluchilar aptobusi, namelum kishilerning hujumigha uchrap, aptobusdiki 19 neper Uyghurning hemmisi öltürülgen shundaqla jesetler kördürüwétilgen idi.

Qirghizistan edliye ministirliqidiki yuqiriqi emeldarning ashkarilishiche, weqe yüz bergen aptobusta esli shopurni öz ichige alghan 24 neper yoluchi bar bolup, aptobusdiki 19 jeset Uyghur sodigerlerge a'itken. Emma aptobusning xitay shopurini öz ichige alghan besh kishining hazirgha qeder iz dérikini alalmighan. Bu qirghizistan bixeterlik organlirining qattiq gumanini qozghighan bolsimu, emma eyni chaghda aqayéfning xitay bilen inaq ötüsh siyasiti tüpeylidin razwitka organliri diloni chongqurlap tekshürüshtin özini qachurghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.