Amérika diniy erkinlik komitéti ezaliri Uyghur ilini ziyaret qilmaqchi


2005-08-08
Share

Amérika diniy erkinlik komitéti wekiller ömiki -12 awghust künidin bashlap xitay we Uyghur ilini ziyaret qilmaqchi.

Xewerlerge qarighanda, amérika diniy erkinlik komitéti wekiller ömiki Uyghur ilidiki ziyariti jeryanida, Uyghur aptonum rayonining re isi isma'il tiliwaldi bilen körüshüp, Uyghur ilidiki diniy erkinlik we étiqad erkinliki weziyiti heqqide söhbet élip baridiken.

Muxbirimizning igilishiche, amérika diniy erkinlik komitéti wekiller ömiki Uyghur ilidiki ziyariti jeryanida shundaqla, Uyghur aptonom rayonluq diniy ishlar komitétining mudiri, aptonom rayonluq jama'et xewpsizlik nazaritining naziri, Uyghur éli ijtma'iy penler akadémiyisi dinlar institutining mudiri qatarliq hökümet erbabliri bilen uchrishidiken.

Amérika diniy erkinlik komitéti wekiller ömiki bu ziyaret jeryanida, Uyghur ili tashqi ishlar idarisi, muhajirlar idarisi, medeniyet nazariti, ma'arip nazariti qatarliq hökümet organlirining bashliqliri bilenmu uchriship, söhbetlishidiken.

Siyasiy analizchilar, xitay hökümitining amérika diniy erkinlik komitéti wekiller ömikining bu qétimqi ziyaritige alahide ehmiyet bériwatqanliqini, wekiller ömikining Uyghur élide hökümet erbabliri bilen keng da'iride uchrishishigha ruxset bergenlikining, buning bir bishariti ikenlikini tekitlimekte. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet