Норвегийә пул аҗритип хитайниң ғәрбий районида тәкшүрүш елип барди


2006.09.27

Хитай һөкүмити бүгүн хитайниң ғәрбий районлириниң җәмийәт һәмдә иқтисади тәрәққияти тәкшүрүш доклатини елан қилди. Бу тәкшүрүш доклатида гәвдиләнгән икки чоң мәсилә, ғәрбий райондики хәлқниң маарип қобул қилиш нисбити төвән болуп, болупму 28% тин көп яшларниң мәдәнийәт сәвийиси саватсиз дегүдәк омумйүзлүк төвән чиққан. Һәмдә аһалиләрниң бай ‏- кәмбәғәллик пәрқиму интайин зор икән.

Хитай ғәрбий районларниң тәрәққияти һәққидә елип барған бу қетимлиқ тәкшүрүшини норвегийә һөкүмитиниң мәбләғ чиқириши билән елип барған. Хитайниң уйғур ели һәмдә тибәт районлирини өз ичигә алған бу тәкшүрүштә асасән 11 өлкә һәм аптоном район, шәһәрләрдики аһалиләр ичидин 44 миң аһалиниң иқтисади кирими, маарип әһвали, саламәтлики, ишқа орунлишиши қатарлиқ җәһәтләрдин таллап тәкшүрүш елип барған.

Нәтиҗидә хитайниң ғәрбий районлириниң иқтисадиниң башқа районлириға қариғанда гәвдилик төвән икәнлики, болупму яшларниң ишқа орунлишишиниң тәс болуши, асаслиқ иқтисади айланминиң ақма нопус тәрипидин игиливелинғанлиқи, нопусниң йезилардин шәһәргә қарап еқиш сүритиниң зорийиватқанлиқи, бай вә кәмбәғәллик пәрқиниң зор болуши, иқтисади қийинчилиқ түпәйли маарип қобул қилалмаслиқ, вақтида дохтурға көрүнәлмәслик, давалиналмаслиқ мәсилилириниң гәвдилик икәнлики ашкариланған. (Гүлчеһрә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.