Norwégiye pul ajritip xitayning gherbiy rayonida tekshürüsh élip bardi


2006.09.27

Xitay hökümiti bügün xitayning gherbiy rayonlirining jem'iyet hemde iqtisadi tereqqiyati tekshürüsh doklatini élan qildi. Bu tekshürüsh doklatida gewdilen'gen ikki chong mesile, gherbiy rayondiki xelqning ma'arip qobul qilish nisbiti töwen bolup, bolupmu 28% tin köp yashlarning medeniyet sewiyisi sawatsiz dégüdek omumyüzlük töwen chiqqan. Hemde ahalilerning bay ‏- kembeghellik perqimu intayin zor iken.

Xitay gherbiy rayonlarning tereqqiyati heqqide élip barghan bu qétimliq tekshürüshini norwégiye hökümitining meblegh chiqirishi bilen élip barghan. Xitayning Uyghur éli hemde tibet rayonlirini öz ichige alghan bu tekshürüshte asasen 11 ölke hem aptonom rayon, sheherlerdiki ahaliler ichidin 44 ming ahalining iqtisadi kirimi, ma'arip ehwali, salametliki, ishqa orunlishishi qatarliq jehetlerdin tallap tekshürüsh élip barghan.

Netijide xitayning gherbiy rayonlirining iqtisadining bashqa rayonlirigha qarighanda gewdilik töwen ikenliki, bolupmu yashlarning ishqa orunlishishining tes bolushi, asasliq iqtisadi aylanmining aqma nopus teripidin igiliwélin'ghanliqi, nopusning yézilardin sheherge qarap éqish sür'itining zoriyiwatqanliqi, bay we kembeghellik perqining zor bolushi, iqtisadi qiyinchiliq tüpeyli ma'arip qobul qilalmasliq, waqtida doxturgha körünelmeslik, dawalinalmasliq mesililirining gewdilik ikenliki ashkarilan'ghan. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.