B d t emeldari, xitayda mehbuslargha ten jazasi bérish omumyüzlük ehwal, dédi


2005-11-22
Share

B d t ning ten jazasini tekshürüsh ishliri boyiche aliy derijilik emeldari manfrid nowak seyshenbe küni béyjingda muxbirlarni kütüwélip, xitayda mehbuslargha ten jazasi bérish omumyüzlük mewjut ehwal, dep körsetti.

Manfrid nowak seyshenbe,"soraq basquchida ten jazasining saqchilar teripidin omumyüzlük qolliniliwatqanliqi hemme adem bilidighan mesile bolup qaldi " deydu. Nowak, hemme ademge ayan bolghan bu mesile méning ziyaritimning bir qisimi " dep tekitligen.

B d t emeldari xitayda élip baridighan tekshürüsh pa'aliyitini düshenbe küni bashlidi. Uning eskertishiche, xitay hökümiti nowakning xitay emeldarliri qatnashmighan ehwal astida özi xalighan mehbus bilen tenha söhbet élip bérishigha ruxset qilghan.

Manfird nowak bu sepiride , Uyghur aptonom rayonini ziyaret qilip, ürümchi we ghulja qatarliq jaylardiki türmilerde tekshürüsh élip baridu. U, xitay hökümitining mehbuslar bilen tenha sözlishishke yol qoyghanliqini maxtidi. Uning tekitlishiche, amérika hökümiti ten jazasini tekshürüsh emeldarining gu'antanamodiki tutqunlar bilen tenha uchrishishigha yol qoymighan bolsimu, emma xitay hökümiti uning mehbuslar bilen tenha uchrishish telipini ret qilmighan.

Manfrid nowak düshenbe küni xitay tashqi ishlar ministirliqi we edliye ministirliqidiki da'iriler bilen söhbet élip bardi. Emma xitayning yol qoyush siyasitidin guman qilghuchilar, mehbuslar bilen ayrim söhbet élip barghan teqdirdimu, ularning heqiqiy ehwalni pash qilishtin qorqidighanliqini bildürmekte. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet