B d t emeldari, xitayda ten jazasi bérish omumyüzlük ehwal, dep körsetti


2005.12.02

B d t ning ten jazasini tekshürüsh ishliri boyiche alahide emeldari manfird nowak, béyjing, lxasa, ürümchi qatarliq jaylarda élip barghan tekshürüsh xizmitini axirlashturghandin kéyin, jüme küni béyjingda muxbirlarni kütüwélip, mehbuslargha ten jazasi bérish " xitayda omumyüzlük mewjut ehwal," dep körsetti.

Nowak, ikki heptilik sepiri jeryanida 30 dek mehbus bilen uchriship, mehbuslarning a'ile - tawabi'atliri, xitay teptish emeldarliri we edliye da'iriliri bilen söhbet élip barghan. U, " méning xulasem boyiche ten jazasi bérish azayghan bolsimu, emma bu yenila xitay boyiche omumyüzlük mewjut hadise" deydu.

Manfrid nowak, ten jazasining aldini élish üchün xitay qanun sistémisida zor islahat élip bérishqa toghra kélidiken. U, " sot tertipini xelq'ara ölchemning telipi boyiche adil élip bérish kérek" dep körsetti. Nowakning tekitlishiche, uning bilen uchrashmaqchi bolghan bezi mehbuslar a'ile - tawabi'atliri xitay jama'et xewpsizlik organlirining tosqunliqigha uchrighan.

Nowak, ötken düshenbidin peyshenbigiche Uyghur aptonom rayonida tekshürüsh élip barghan. Igilishimizche, jama'et xewpsizlik da'iriliri u ürümchige yétip kélishtin burun chet'el bilen yaki mehbuslar bilen alaqisi bar bezi kishilerni yighiwalghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.