Тәңритағлириниң шималидики җираларда тәбии өсүмлүкләр еғир дәриҗидә вәйран болмақта

Әгәр һазир су мәнбәлирини қоғдаш вә тәбиий өсүмлүкләрни қоғдаш буйичә җиддий тәдбир көрүлмисә, бу һадисә қарасудин фукаңғичә болған 280 километрлиқ тез тәрәққи қиливатқан иқтисадий бәлвағқа җиддий тәсир көрситиши мумкин. Шундақла, бундақ һаләт узунға созулса, һәтта буғда көлиму һәрйили 7 метир 70 сантиметир тарийиватқан һазирқи сүрәт билән йәнә 440 йилда йәр йүзидин тамамән ғайип болуши мумкин.
Мухбиримиз вәли хәвири
2008-04-09
Share
 Хитай пәнләр академийиси билән хитай су ишлири министирлиқиниң сичуәндә қурған тағлиқ районлардики тәбиий апәтни тәтқиқ қилиш мәркизиниң тәтқиқатчиси чен ниңшең тәңритағлириниң шималидики иқтисадий тәрәққият бәлвағлирида йүз бериватқан тәбиий апәтни тәтқиқ қилған.

Мәркизи агентлиқиниң баян қилишичә, чен ниңшең әпәндиниң доклатида, буғда чоққисидики музлуқлар ерип һасил болған қиянда тағ қапталлиридики орманларниң 10 дин 6 си вәйран болғанлиқини, бир нәччә чоң җирада пүтүнләй вәйран болушқа йүзләнгән дәрәхләрниң анда-санда қалғанлиқини, тағ етикидики еқин әгимлиридә болса, қиян еқитип кәлгән латқа, шеғил вә шах-шумба қаплишип кәткәнликини көргән.

Хитай пәнләр академийисиниң тәтқиқатчиси чен әпәндиниң қаришичә, тәңритағлириниң шималидики җираларда қиян апити пәйда қилған аламәтләр шу җайда туруватқан инсанларниң тәбиәтни асраш еңи вә қабилийити аҗизлиғанлиқиниң ипадиси.

Әгәр һазир су мәнбәлирини қоғдаш вә тәбиий өсүмлүкләрни қоғдаш буйичә җиддий тәдбир көрүлмисә, бу һадисә қарасудин фукаңғичә болған 280 километрлиқ тез тәрәққи қиливатқан иқтисадий бәлвағқа җиддий тәсир көрситиши мумкин. Шундақла, бундақ һаләт узунға созулса, һәтта буғда көлиму һәрйили 7 метир 70 сантиметир тарийиватқан һазирқи сүрәт билән йәнә 440 йилда йәр йүзидин тамамән ғайип болуши мумкин.

 

 
 
Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.