Tengritaghlirining shimalidiki jiralarda tebi'i ösümlükler éghir derijide weyran bolmaqta

Eger hazir su menbelirini qoghdash we tebi'iy ösümlüklerni qoghdash buyiche jiddiy tedbir körülmise, bu hadise qarasudin fukangghiche bolghan 280 kilométrliq téz tereqqi qiliwatqan iqtisadiy belwaghqa jiddiy tesir körsitishi mumkin. Shundaqla, bundaq halet uzun'gha sozulsa, hetta bughda kölimu heryili 7 métir 70 santimétir tariyiwatqan hazirqi sür'et bilen yene 440 yilda yer yüzidin tamamen ghayip bolushi mumkin.
Muxbirimiz weli xewiri
2008-04-09
Share
 Xitay penler akadémiyisi bilen xitay su ishliri ministirliqining sichu'ende qurghan taghliq rayonlardiki tebi'iy apetni tetqiq qilish merkizining tetqiqatchisi chén ningshéng tengritaghlirining shimalidiki iqtisadiy tereqqiyat belwaghlirida yüz bériwatqan tebi'iy apetni tetqiq qilghan.

Merkizi agéntliqining bayan qilishiche, chén ningshéng ependining doklatida, bughda choqqisidiki muzluqlar érip hasil bolghan qiyanda tagh qaptalliridiki ormanlarning 10 din 6 si weyran bolghanliqini, bir nechche chong jirada pütünley weyran bolushqa yüzlen'gen derexlerning anda-sanda qalghanliqini, tagh étikidiki éqin egimliride bolsa, qiyan éqitip kelgen latqa, shéghil we shax-shumba qapliship ketkenlikini körgen.

Xitay penler akadémiyisining tetqiqatchisi chén ependining qarishiche, tengritaghlirining shimalidiki jiralarda qiyan apiti peyda qilghan alametler shu jayda turuwatqan insanlarning tebi'etni asrash éngi we qabiliyiti ajizlighanliqining ipadisi.

Eger hazir su menbelirini qoghdash we tebi'iy ösümlüklerni qoghdash buyiche jiddiy tedbir körülmise, bu hadise qarasudin fukangghiche bolghan 280 kilométrliq téz tereqqi qiliwatqan iqtisadiy belwaghqa jiddiy tesir körsitishi mumkin. Shundaqla, bundaq halet uzun'gha sozulsa, hetta bughda kölimu heryili 7 métir 70 santimétir tariyiwatqan hazirqi sür'et bilen yene 440 yilda yer yüzidin tamamen ghayip bolushi mumkin.

 

 
 
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet