Ürümchide bashlan'ghuch mektep oqughuchilirigha hujum qilish weqesi yüz bergen


2006.12.20

Yaponiyide chiqidighan "asahi shinbon gézit" ning 20 ‏- dékabir küni béyjingdin xewer qilishiche, bügün ürümchide 65 ‏- ottura mektepning qarimiqidiki bashlan'ghuch mektepning bir qisim oqughuchiliri yen'en kochisida yoldin ötüshni kütüp turghanda, ulargha bir er kishi ushtumtut hujum qozghap, yéshi 10 yashlardiki ikki oqughuchini öltürgen, üch oqughuchini we ularning mu'ellimini yarilandurghan. Birleshme agéntliqining xewer qilishiche, kishiler bu weqening jinayetchisini rohi késellikke giriptar bolghan kishi yaki qisasxor bolushi mumkin dep perez qilghan.

Shinxu'a agéntli'iqning ürümchidin bergen yene bir xewiride, bir er kishi ikki oqughuchini chépip öltürdi, üch kishini yarilandurdi, yarilan'ghan kishiler hazir etraptiki doxtorxanilar qutquzulmaqta dep bayan qilin'ghan. Shinxu'a agéntliqining yene muxbiri "téngshün xewerliri" tor bétide élan qilghan xewerde "saqchilarning éniqlishiche, bu weqening jinayetchisi 38 yashliq abduxaliq mijit, jenubtiki peyziwat nahiyisidin kelgen, u mektep aldida saqlap turup pichaq ishlitip jinayet sadir qilghan" dep bayan qilin'ghan. (Weli)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.