Xitay pakistan bilen bolghan 3 xil küchlerge ortaq zerbe bérish hemkarliq kélishimini testiqlidi

• 
  2006-08-23

Xitayning aliy derijilik qanun turghuzush orgini bolghan xitay dölet kabinti seyshenbe küni "xitay-pakistan 3 xil küchlerge zerbe bérish hemkarliq kélishimi" ni testiqlidi.

Xitay xewer agéntliqining melum qilishiche, xitay tashqi ishlar ministirliqining mu'awin ministiri wu dawéy, 3" xil küchler"ge zerbe bérish kélishimining ikki dölet söhbiti arqiliq tüzülgenlikini hemde buning xitay qanunining asasiy pirinsipigha we xitay menpe'etige mas kélidighanliqini tekitlidi.

2005‏- Yili 3‏-ayning 8-9‏- künliri xitay, pakistan terep wekilliri béyjingda , ikki döletning 3" xil küchler" ge zerbe bérish hemkarliqi mesiliside söhbet ötküzgen. Kéyin 5‏- april küni xitay tashqi ishlar ministiri li jawshing, pakistan ichki ishlar ministiri aftab exmetxan shérpaw bilen birlikte bu kélishmge imza qoyghan idi.

Xitay da'iriliri bu kélishimning xitay dölet kabinti teripidin maqullinishining, xitay bilen pakistanning "‏3 xil küchler" ge zer bérish sahesidiki hemkarliqini kücheytip, ikki dölet dostliqini téximu ilgiri sürüshke paydiliq bolidighanliqini bildürdi.

Xitay buningdin ilgiri pakistandin bashqa yene, qirghizistan, qazaqistan, tajikistan we özbékistan qatarliq shangxey hemkarliq teshkilatigha eza döletler bilenmu bu kélishimni tüzgen idi. Pakistan bolsa, shangxey hemkarliq teshkilatigha eza bolushni iltimas qiliwatqan bir dölet. (Peride)