Mutexessisler, Uyghurlarning xelq'ara térrorchiliq bilen héchqandaq alaqisi yoqliqini bildürmekte

11‏- Séntebir térrorluq weqesidin kéyin, Uyghur élide sherqiy türkistan musteqilliq küchlirining térrorluq pa'aliyetlirini qanat yaydurghanliqini jakarlighan xitay hökümiti, emdi chet'ellik sodigerlerni rayon'gha meblegh sélishqa reghbetlendürüsh üchün, Uyghur élide térrorchiliq heriketlirining mewjut emeslikini ispatlashqa tirishmaqta.

Xitayning Uyghur élidiki partkom sékrétari wang léchü'en 2‏- séntebir küni ürümchide muxbirlargha bergen bayanatida, shinjang térrorluq weqeliri yüz bérip turudighan jay emes. U shundaqla "shinjang tarixtiki eng yaxshi dewrini yashawatidu, dégen.

Uyghurlarning milliy musteqilliq herikitini térrorluq herikiti dep eyibligen xitay hökümiti, xelq'ara térrorchiliqqa qarshi urushtin paydilinish üchün uyghularning xelq'ara térrorluq heriketliri hemde osama bin ladin bilen alaqisi barliqini bayan qilmaqta.

Lékin gherblik mutexessisler we siyasiy mulahizichiler, xitayning Uyghur élidiki térrorluq mesilisining 11‏-séntebir weqesidin kéyin tosattin otturigha chiqqanliqini tekitlimekte.

Jenubiy junggo seherlik gézitining 5‏-séntebir küni xewer qilishiche, ataqliq amérikiliq Uyghur mutexessisi dru giladni, uyghularning xelq'ara térrorluq heriketliri bilen alaqisi barliqini ispatlaydighan héchqandaq delil mewjut emeslikini bildürgen.

Xewerde éytilishiche, xelq'ara kishilik hoquqni küzitish teshkilatining xongkongdiki tetqiqatchisi nikolas bikolin, xitay hökümitining térrorchiliq tehditidin Uyghurlani basturush üchün paydilan'ghanliqini tekitlep, xitayning Uyghurlar üstidiki bésimi nahayiti éghir bolup, xitay hökümiti, hökümetning siyasitini tenqid qilghan herqandaq bir Uyghurni térrorchi yaki bölgünchi dep qaraydu, dégen. (Qanat)