Xitay saqchiliri sherqi türkistan térrorchilirining yoshurunuwalghanliqini bildürdi


2007-01-15
Share

Uyghur aptonom rayonluq saqchi da'iriliri, atalmish sherqiy türkistan islamiy herikitining térrorluq lagirigha qarshi élip bérilghan hujum jeryanida qéchip ketken térror gumandarlirini tutush herikitining dawamlishiwatqanliqini bildürdi.

Xitay saqchi da'irilirining bildürüshiche, weqede qéchip ketken kishilerning rayondiki hawa shertliri tüpeylidin uzaqqa kétishi mumkin emes iken. Chünki rayonda hawa nahayiti soghaq bolup nöldin töwen 20, 30 derijige yétidiken. Shuning üchün ular rayonda aldin teyyarlan'ghan yer asti gemilerge yoshurunuwalghan bolushi mumkin iken.

Xitay saqchilirining éytishiche, saqchilar térrorchilarni bayqap ularni tutush üchün mashina bilen qoghlighanda, térrorchilarning tuyuqsiz közdin ghayib bolushi, ularning aldin teyyarliq qilip yol üstide yasighan yer asti gemilerge yoshurunuwalghanliqini körsitidiken. Saqchilarning bildürüshiche, bu gemilerning aghzi nahayiti ustiliq bilen yasalghan bolup, ularni tépish qiyin iken.

Xitay hökümiti, 5‏- yanwar küni pamir igizlikide atalmish sherqiy türkistan térrorchilirining bir lagirigha hujum qilip 18 neper térror gumandarini öltürgenlikini we 17 kishini tirik qolgha chüshürgenlikini bildürgen. Xitay saqchilirining bildürüshiche, weqede bir qisim kishiler qéchip ketken. Lékin xitay hökümitining weqede ölgen we tirik qolgha chüshkenlerning kimliki hemde weqening qaysi yerde, qandaq yüz bergenliki heqqide éniq uchur bermigenliki, xelq'ara metbu'atta türlük su'allarning peyda bolushigha seweb bolghan. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet