Xitay térrorchiliqqa qarshi qanun chiqirishqa teyyarlanmaqta

• 
  2005-09-22

Shinxu'a agéntliqining melum qilishiche, xitay hökümiti nöwette térrorchiliqqa qarshi mexsus qanun chiqirishqa teyyarlanmaqta.

Xitaydiki "junggo bankisi" ning mu'awin bashliqi shyang jünbo mezkur agéntliqqa, xitay hökümitining bu xizmetke alahide ehmiyet bériwatqanliqini éytip, munasiwetlik orunlarning hazir jiddiy tutush qilip, térrorchiliqqa qarshi qanunning deslepki layihisini püttürüsh aldida turghanliqini bildürdi.

Shyang jünbo, bu qanundiki muhim bir bölekning, térrorluq teshkilatlarning iqtisadiy menbesini üzüsh ikenlikini éytti. Emma u bu qanun mezmunliri toghrisida tepsiliy toxtalmidi.

Xitay hökümiti asasliqi Uyghurlarning qarshiliq pa'aliyetlirini térrorchiliq bilen baghlaydighan bolup, bolupmu amérikidiki 11 -séntebir weqesidin kéyin, xitayning qanun turghuzghuchiliri térrorchiliqqa qarshi qanun tüzüshni telep qilishqa bashlighan.

Emma nurghun kishilik hoquq teshkilatliri hemde amérika hökümitimu xitayni, xelq'ara térrorchiliqqa qarshi urushni, az sanliq milletlerni basturushqa ishletmeslikke chaqirip keldi. (Peride)