Frankfortta yéngi shöbe teshkilat quruldi


2007-05-20
Share

Uzun yillardin buyan gérmaniye qatarliq yawropa döletliride aktip pa'aliyet élip bériwatqan yawropa sherqiy türkistan birlikining bir shöbisi gérmaniyining frankfort shehiride resmiy quruldi.

Dunya Uyghur qurultiyining tarqatqan uchurigha asaslan'ghanda, 19 - may küni yawropa sherqiy türkistan birlikining re'isi dolqun eysa, dunya Uyghur qurultiyi ijra'iye komitétining mu'awin re'isi ablikim idris, qurultay neshiriyat-teshwiqat ishlirining mes'uli abdujélil turan qatarliq bir qisim wekillerning ishtirak qilishi bilen frankfort shehiridiki diyanet ishliri türk islam birliki teshkilatining pa'aliyet merkizide murasim ötküzüldi. Buninggha frankfort shehride yashawatqan küresh ataxan ependi bashchiliqidiki frankfort Uyghurliri we gérmaniyining bashqa rayonlirida yashawatqan Uyghurlar ishtirak qilghandin sirt, türkiye hem fransiyidin kelgen méhmanlarmu közetküchi süpitide qatnashti.

Démokratik asasta saylam ötküzülüp, frankforta yashawatqan yazghuchi küresh ataxan "yawrupa sherqiy türkistan birliki frankfort shöbisi" ning re'islikige, osman tursun mu'awinliqigha, eli abdurusul bash katipliqqa saylandi.

Yawropa sherqiy türkistan birlikining frankfort shöbisini qurush ishini dunya Uyghur qurultiyi yéqindin qollighan bolup, mezkur teshkilatlar dunya Uyghur qurultiyining biwasite rehberlikide öz xizmetlirini élip baridiken. (Ümidwar)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet