Tétima kölini qum bésip ketken

Tarim deryasining töwenki éqimidiki tétima kölining orni yéqinqi 40 yil ichide 30 - 40 kilométir gherbke sürülgen. Köl yüzining bu qismini, quruqtagh tereptin kelgen qum bésiwalghan. Tétima kölining birdin - bir su menbesi tarim deryasi bolup, biraq hazir köl merkizi lopnur - chaqiliq tash yolining gherbige yötkelgen.

Shinxu'a axbarat agéntliqi Uyghur aptonom rayonluq muhit qoghdash idarisidiki da'irilerning sözini neqil keltürüshiche, tétima kölining 1965 - yildiki orni , kéyinki yillarda yasalghan lopnur - chaqiliq tash yolining 20 kilométir sherqide iken.

1321 Kilométir uzunluqtiki tarim deryasining bir éqimi , chaqiliq nahiyisining chégrisi ichidiki tétima kölige quyulatti. Tétima kölining orni yötkilip ketkenliktin, tarim deryasi mezkur kölge quyulmaydighan bolup qalghan.

Aptonom rayonluq muhit qoghdash idarisidiki mutexessisler, yépinche ösümliklerning buzghunchiliqqa uchrighanliqi, shundaqla su menbesining kémiyip kétishi tétima kölini qum bésip kétishtiki asasliq sewebler dep qarighan. Mutexessislerning chüshendürüshiche, tétima köli qurghaqchiliq pesilide shorluqqa aylinip kétidighanliqi üchün, yerlikler teripidin tétima dep atalghan. (Erkin)