Kanadaning wangkowér shehiridiki tibetler namayishigha Uyghurlarmu qatnashti

Dunya Uyghur qurulitiyi tor betining xewer qilishiche, 10-mart küni kanadaning wangkower shehiride ötküzülgen tibetlerning naraziliq namayishigha bu yerdiki bir qisim Uyghurlarmu qatnashqan.

Namayish wangkowerdiki tibetler jemiyitining uyushturishi bilen sheher merkizide élip bérilghan bolup, bunin'gha wangkowerda yashaydighan Uyghurlardin ömerjan bore we yene bir qisim ismini ashkarilashni xalimaydighan Uyghur erbabliri ishtirak qilghan. Mezkur namayishqa shu yerdiki tibetlerdin bashqa yene kanadaning biritish kolombiye rayonidiki bir qisim tibetni qollaydighan orunlar we, insan hoquqi teshkilatlirining ezalirimu qatnashqan bolup, adem sani 300 din ashqan.

Xewerge qarighanda, ömerjan böre Uyghurlargha wakaliten nutuq sözlep tibet we Uyghur xelqining teqdirdash ikenliki, Uyghurlarning tibetlerni qollaydighanliqini izhar qilghanda, namayishchilar " sherqiy turkistan'gha musteqilliq" dégendek sho'arlarni towlashqan.

Namayishchilar yene wankower sheher merkizidin xitay konsulxanisi aldighiche bolghan 6 yerim kilométir musapini namayish bilen piyade besip, yol boyi teshwiqat qilish usulini qollan'ghan.

Melumatlargha qarighanda, 3-ayning 10-kuni tibetlerning 1959-yili yuz bergen chong qozghilingining 48 yilliq xatire küni bolup, eshu yili dalay lama tibettin qéchip chiqqan idi. Yéqinqi yillardin buyan tibetler bilen Uyghurlarning namayishliri we pa'aliyetliride birlishish yolinishi küchiyishke bashlighan bolup, 2005-yili washin'gtonda ötküzülgen 10 nechche ming kishi qatnashqan dalay lamaning nutuq sözlesh pa'aliyitide rabiye qadir sehnige teklip qilin'ghan shuningdek dalay lama sherqiy türkistan we Uyghurlar mesilisi heqqide toxtilip, ikki xelqning teqdirdashliqini tekitligen idi. Buningdin bashqa yene xelq'ara tibetherikiti teshkilatimu rabiye qadirni kütüwélish murasimi ötküzgen idi. (Ümidwar)