Түркийә тиҗарәт минстирликиниң вәкилләр өмики уйғур елигә қарап йолға чиқти

 Хәвәрдә ейтилишичә, түркийә тиҗарәт вәкилләр өмики бу қетимқи зиярити җәрянида, уйғур ели билән түркийә оттурисидики сода вә тиҗарәт мунасивәтлирини техиму тәрәққий қилдуруш тоғрисида сөһбәтләр елип баридикән.

Хәвәрләргә қариғанда, түркийә тиҗарәт министири куршат түзмән уйғур елигә бериштин бурун бейҗиңда тохтап, хитай тиҗарәт министири чән демиң билән көрүшүп, түркийә билән хитай оттурисидики тиҗарәт һәҗимини техиму юқири көтүрүш мәсилсини вә икки дөләтниң 2009‏ - йиллиқ тиҗарәт программисини көздин кәчүридикән.

Түркийә тиҗарәт министири зиярити җәрянида 17‏ - нөвәтлик үрүмчи һәмкарлиқ вә сода йәрмәнкисидә түрк мәһсулатлири йәрмәнкисини ачидикән шуниңдәк бәзи йиғинларға қатнишип сөз қилидикән.

Түркийә билән хитай оттурисидики йиллиқ тиҗарәт һәҗими 15 милярд долларға йәткән болуп, һәр икки дөләт
Бу рәқәмни техиму юқири көтүрүшкә тиришмақта.

Бәзи хәвәрләргә қариғанда, түркийә тиҗарәт министириниң уйғур елини зиярити җәрянида хитай рәһбәрлириниң түркийидики уйғурлар вә уйғур тәшкилатлириниң хитайға қарши елип бериватқан паалийәтлири мәсилсини оттуриға қоюп, түркийә тәрәптин уйғурларниң паалийәтлирини чәкләш үчүн техиму җиддий тәдбир елишини қилип қилиши мумкин икән.