Türkiye tijaret minstirlikining wekiller ömiki Uyghur élige qarap yolgha chiqti

Türkiye metbu'atining xewer qilishiche, türkiye dölet ministiri kurshat tüzmen yétekchilikidiki türkiye tijaret minstirlikining yuqiri derijilik xadimliri, türk tijaretchi we sodigerliridin teshkil tapqan bir wekiller ömiki shenbe küni besh künlük bir ziyaret üchün Uyghur élige qarap yolgha chiqqan.
Muxbirimiz ömer qanat xewiri
2008.08.30

 Xewerde éytilishiche, türkiye tijaret wekiller ömiki bu qétimqi ziyariti jeryanida, Uyghur éli bilen türkiye otturisidiki soda we tijaret munasiwetlirini téximu tereqqiy qildurush toghrisida söhbetler élip baridiken.

Xewerlerge qarighanda, türkiye tijaret ministiri kurshat tüzmen Uyghur élige bérishtin burun béyjingda toxtap, xitay tijaret ministiri chen déming bilen körüshüp, türkiye bilen xitay otturisidiki tijaret hejimini téximu yuqiri kötürüsh mesilsini we ikki döletning 2009‏ - yilliq tijaret programmisini közdin kechüridiken.

Türkiye tijaret ministiri ziyariti jeryanida 17‏ - nöwetlik ürümchi hemkarliq we soda yermenkiside türk mehsulatliri yermenkisini achidiken shuningdek bezi yighinlargha qatniship söz qilidiken.

Türkiye bilen xitay otturisidiki yilliq tijaret hejimi 15 milyard dollargha yetken bolup, her ikki dölet
Bu reqemni téximu yuqiri kötürüshke tirishmaqta.

Bezi xewerlerge qarighanda, türkiye tijaret ministirining Uyghur élini ziyariti jeryanida xitay rehberlirining türkiyidiki Uyghurlar we Uyghur teshkilatlirining xitaygha qarshi élip bériwatqan pa'aliyetliri mesilsini otturigha qoyup, türkiye tereptin Uyghurlarning pa'aliyetlirini cheklesh üchün téximu jiddiy tedbir élishini qilip qilishi mumkin iken.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.