كېلەر يىلدىن باشلاپ ئۇيغۇر ئېلىدىكى بارلىق ئالى مەكتەپلەردە دەرسلەر پۈتۈنلەي خىتايچە ئۆتۈلمەكچى


2004-11-29
Share

ئۇيغۇر ئاپتونۇم رايونى ھۆكۈمەت تور بېتىدىن ئاشكارىلىنىشىچە، ئۇيغۇر ئاپتونۇم رايونلۇق پارتكومى ئۇيغۇر ئېلى مائارىپىنى خىتايچىلاشتۇرۇش قەدىمىنى يەنىمۇ تېزلىتىش مەقسىتىدە يېقىندا، كېلەر يىلىدىن باشلاپ ئۇيغۇر ئېلىدىكى بارلىق ئالىي مەكتەپلەردە دەرسلىكلەرنى پۈتۈنلەي خىتايچە ئوقۇتۇشنى قارار قىلغان.

خىتاي كوممۇنىستىك پارتىيە ھۆكۈمىتىنىڭ بۇ قارارى بويىچە، ئۇيغۇر ئېلى ئىچىدىكى بارلىق ئالىي مەكتەپلەردە پەقەت ئاز سانلىق مىللەت تىل ئەدەبىياتى كەسپىدىن باشقا بارلىق ئاساسىي ھەم كەسپى دەرسلەر خىتايچە ئۆتىلىدۇ، دەپ بېكىتىلگەن ئىكەن.

خىتاي ھۆكۈمىتى ئالىي مەكتەپ دەرسلىكلىرىنى خىتايچىلاشتۇرۇشنى ئەڭ بۇرۇن 2002 - يىلى شىنجاڭ ئۇنىۋەرسىتېتىدىن باشلىغان ئىدى. نۆۋەتتە خىتاي ھۆكۈمىتى بۇ ئالىي مائارىپنى خىتايچىلاشتۇرۇش پىلانىنىڭ تەييارلىق باسقۇچلىرىنى ئاساسىي جەھەتتىن تاماملىغان بولۇپ، بارلىق ئالىي مەكتەپلەردىكى خىتاي بولمىغان ئوقۇتقۇچىلارنى خىتاي تىلىدا دەرس ئۆتۈش تەلىپىگە يەتكۈزۈش ئۈچۈن مەخسۇس خىتاي تىلى كۇرسلىرىدا تەربىيىلىمەكتە ئىكەن.

ئۇيغۇر ئېلىدىن رادىئومىزغا كەلگەن ئىنكاسلارغا قارىغاندا، خىتايچىلاشتۇرۇش مائارىپىنىڭ بولۇپمۇ مىللىي ئوقۇتقۇچى ۋە مائارىپچىلارغا زەربە ئېلىپ كېلىۋاتقان بولۇپ، نۇرغۇن ئوقۇتقۇچىلار "خىتاي تىلىدا دەرس ئۆتەلمەيدۇ" دىگەن باھانە بىلەن مائارىپ سېپىدىن ئايرىلماقتا ئىكەن. (گۈلچېھرە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت