Kéler yildin bashlap Uyghur élidiki barliq ali mekteplerde dersler pütünley xitayche ötülmekchi

2004-11-29
Élxet
Pikir
Share
Print

Uyghur aptonum rayoni hökümet tor bétidin ashkarilinishiche, Uyghur aptonum rayonluq partkomi Uyghur éli ma'aripini xitaychilashturush qedimini yenimu tézlitish meqsitide yéqinda, kéler yilidin bashlap Uyghur élidiki barliq aliy mekteplerde dersliklerni pütünley xitayche oqutushni qarar qilghan.

Xitay kommunistik partiye hökümitining bu qarari boyiche, Uyghur éli ichidiki barliq aliy mekteplerde peqet az sanliq millet til edebiyati kespidin bashqa barliq asasiy hem kespi dersler xitayche ötilidu, dep békitilgen iken.

Xitay hökümiti aliy mektep dersliklirini xitaychilashturushni eng burun 2002 - yili shinjang uniwersitétidin bashlighan idi. Nöwette xitay hökümiti bu aliy ma'aripni xitaychilashturush pilanining teyyarliq basquchlirini asasiy jehettin tamamlighan bolup, barliq aliy mekteplerdiki xitay bolmighan oqutquchilarni xitay tilida ders ötüsh telipige yetküzüsh üchün mexsus xitay tili kurslirida terbiyilimekte iken.

Uyghur élidin radi'omizgha kelgen inkaslargha qarighanda, xitaychilashturush ma'aripining bolupmu milliy oqutquchi we ma'aripchilargha zerbe élip kéliwatqan bolup, nurghun oqutquchilar "xitay tilida ders ötelmeydu" digen bahane bilen ma'arip sépidin ayrilmaqta iken. (Gülchéhre)

Pikirler (0)
Share
Toluq bet