Хитай һөкүмити һадисидә қаза қилған ишчиларниң аилисигә төләм төлиди


2006.11.02
Share on WhatsApp
Share on WhatsApp

Уйғур елидә йүз бәргән икки қетимлиқ партлаш вәқәсидә қаза қилғанларниң аилә - тавабатлириға берилдиған төләм қиммити 200 миң йүәнгә бекитилгән.

Хитай хәвәр агентлиқиниң пәйшәнбә күнидики хәвиригә асасланғанда, майтағдики бир хам нефит сақлаш амбирида партлаш йүз берип, партлашта 12 адәм қаза қилған. Хәвәрдә көрситилишичә, һадисә йүз бәргәндә 24 киши нәқ мәйданда хизмәт қиливатқан болуп, уларниң һәммиси хитайниң әнхуй өлкисидин кәлгән ишчилар икән. Һөкүмәт партлашта яриланғанларни дәрһал давалашқа буйриғандин сирт, уларниң аилә - тавабатлрини әнхуйдин елип келип, тегишлик қейинчилиқларни һәл қилған, өлгәнләрниң аилисигә 200 миң йүән төләм төлигән.

Бир қанчә күн илгири йәни 28 ‏- өктәбир күни, биңтүән йеза ‏ игилик 6 ‏- девизийисиниң 102 ‏- полк мәйданидики " шиңя" ширкитиниң бир көмүр кенида партлаш йүз бәргән болуп, мәзкүр партлашта өлгән 14 хитай ишчиниң һәр бирсиниң аилисигә 200 миң йүән төләм һәққи төләп берилгән.

Партлашта өлгән 26 кишиниң аилә тавабатлириға хитайниң алақидар төләм өлчими буйичә төләм төләп берилгән болуп, дуня уйғур қурултийиниң баянтчиси дилшат ришитниң ейтшичә, хитай һөкүмити иш үстидә қаза қилған уйғурларниң аилисигә һечқачан бундақ төләм һәққи бәргән әмәс икән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт