Xitay hökümiti hadiside qaza qilghan ishchilarning a'ilisige tölem tölidi


2006-11-02
Share

Uyghur élide yüz bergen ikki qétimliq partlash weqeside qaza qilghanlarning a'ile - tawabatlirigha bérildighan tölem qimmiti 200 ming yüen'ge békitilgen.

Xitay xewer agéntliqining peyshenbe künidiki xewirige asaslan'ghanda, maytaghdiki bir xam néfit saqlash ambirida partlash yüz bérip, partlashta 12 adem qaza qilghan. Xewerde körsitilishiche, hadise yüz bergende 24 kishi neq meydanda xizmet qiliwatqan bolup, ularning hemmisi xitayning enxuy ölkisidin kelgen ishchilar iken. Hökümet partlashta yarilan'ghanlarni derhal dawalashqa buyrighandin sirt, ularning a'ile - tawabatlrini enxuydin élip kélip, tégishlik qéyinchiliqlarni hel qilghan, ölgenlerning a'ilisige 200 ming yüen tölem töligen.

Bir qanche kün ilgiri yeni 28 ‏- öktebir küni, bingtüen yéza ‏ igilik 6 ‏- déwiziyisining 102 ‏- polk meydanidiki " shingya" shirkitining bir kömür kénida partlash yüz bergen bolup, mezkür partlashta ölgen 14 xitay ishchining her birsining a'ilisige 200 ming yüen tölem heqqi tölep bérilgen.

Partlashta ölgen 26 kishining a'ile tawabatlirigha xitayning alaqidar tölem ölchimi buyiche tölem tölep bérilgen bolup, dunya Uyghur qurultiyining bayantchisi dilshat rishitning éytshiche, xitay hökümiti ish üstide qaza qilghan Uyghurlarning a'ilisige héchqachan bundaq tölem heqqi bergen emes iken. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet