Қирғизистан уйғур елигә тутишидиған төмүр йоли ясимақчи


2006.03.20
Share on WhatsApp
Share on WhatsApp

Қирғизистан даирилири қирғизистан билән хитай оттурисидики төмүр йолни туташтуруш үчүн, қирғизистандин уйғур елигә туташтуруп 260 километир узунлуқта төмүр йоли селишни пиланлимақта.

Қирғизистан баш министири фликс қулуф дүшәнбә күни хизмәт йиғинида, қирғизистанниң хитай билән икки дөләт арисидики төмүр йолни туташтуруш сөһбитини хели бурунла башлап болғанлиқини, нөвәттә қирғизистан һөкүмитиниң вәзиписи әң қисқа вақит ичидә бу қурулушни башлаш икәнликини билдүрди.

Қулуфниң көрситишичә, 260 километирлиқ бу төмүр йол қурулуши үчүн тәхминән 1 милярд 300 милйон америка доллири пул кетидикән һәмдә униң пүтүп чиқиши үчүн 6 йил вақит сәрп қилинидикән. Лекин хитай билән қирғизистан бу төмүр йолини қирғизистанниң җәнубидин өзбекистанға туташтуруш яки шималидин қазақистанға туташтуруш мәсилисидә техи бирликкә келип болалмиған.

Қирғизистан тәрәп бу төмүр йоли қурулиши үчүн дуня банкисидин мәбләғ елишқа һәмдә бир қисим карханиларниң буниңға мәбләғ селишини қолға кәлтүрүшкә тиришмақта. Хитай билән қирғизистанниң мутәхәссиләр гурупписи бу йил 2‏- айда бешкектә учрушуп, мәзкур төмүр йол қурулишиниң конкерт тәпсилати тоғрисида сөһбәтләшкән иди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт