Qirghizistan Uyghur élige tutishidighan tömür yoli yasimaqchi


2006-03-20
Share

Qirghizistan da'iriliri qirghizistan bilen xitay otturisidiki tömür yolni tutashturush üchün, qirghizistandin Uyghur élige tutashturup 260 kilométir uzunluqta tömür yoli sélishni pilanlimaqta.

Qirghizistan bash ministiri fliks quluf düshenbe küni xizmet yighinida, qirghizistanning xitay bilen ikki dölet arisidiki tömür yolni tutashturush söhbitini xéli burunla bashlap bolghanliqini, nöwette qirghizistan hökümitining wezipisi eng qisqa waqit ichide bu qurulushni bashlash ikenlikini bildürdi.

Qulufning körsitishiche, 260 kilométirliq bu tömür yol qurulushi üchün texminen 1 milyard 300 milyon amérika dolliri pul kétidiken hemde uning pütüp chiqishi üchün 6 yil waqit serp qilinidiken. Lékin xitay bilen qirghizistan bu tömür yolini qirghizistanning jenubidin özbékistan'gha tutashturush yaki shimalidin qazaqistan'gha tutashturush mesiliside téxi birlikke kélip bolalmighan.

Qirghizistan terep bu tömür yoli qurulishi üchün dunya bankisidin meblegh élishqa hemde bir qisim karxanilarning buninggha meblegh sélishini qolgha keltürüshke tirishmaqta. Xitay bilen qirghizistanning mutexessiler guruppisi bu yil 2‏- ayda béshkékte uchrushup, mezkur tömür yol qurulishining konkért tepsilati toghrisida söhbetleshken idi. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet