Алтайға мәхсус байлиқ ечиш төмүр йоли қурулмақчи


2007-02-06
Share

Алтай хәвәр торидин ашкарилинишичә, 4 - феврал күни алтайниң бурултоқай наһийисидә аптоном районлуқ йәр башқуруш, томур йол идарилириниң бир қисим рәһбәрлири һәмдә биңтуән 10 - девизийисиниң мунасивәтлик башлиқлириниң қатнашчилиқида мәхсус төмүр йол қурулуш йиғини чақирилған. Йиғинда, даириләр бурултоқай наһийисидин башлап түнбей томур йоли намида мәхсус төмүр йол қурулуш пиланини музакирә қилған.

Пиланлинишичә, алтайда ясалмақчи болған бу төмүр йолиниң узунлиқи 459 километир әтрапида болуп бу йил 4 - айда рәсмий қурулуш башлинидикән. Хитай даирилири бу төмүр йол қурулушиға бәш йерим милярд йүән мәбләғ салған.

Йиғинда алтай вилайитиниң муавин валиси сархат "тәйбей төмүр йолиниң истратегийилик әһмийитини тәкитләп "бөрүлтоқайда қурулмақчи болған түнбей томур йолиниң әһмийитини ениқ тонуп, төмүр йол қурулушиға һәр саһәләр маслишишимиз керәк, чүнки бу төмүр йол районимизниң байлиқлирини ечиш, ғәрбни ечиш, иқтисадини тәрәққий қилдуруш, дөләт чегрисини қоғдаш һәмдә милләтләр иттипақлиқини ашурушта муһим истратегийилик әһмийәткә игә" дәп тәкитлигән.

Илгири хитай һөкүмити қәшқәргә төмүр йоли улиғандиму, төмүр йоли қурулушлириниң әһмийитини юқириқиға охшаш шәрһилигән иди, әмма уйғурлар хитай һөкүмитиниң уйғур елидә елип бериливатқан төмүр йоли қурулушлириниң уйғурларға мәнпәәт елип кәлмәйла қалмай бәлки асаслиқ уйғур елиниң байлиқлирини хитай өлкилиригә тошуп, хитай көчмәнләрни техиму көпләп уйғур елигә йөткәш, уйғур елиниң тәбий муһитини начарлаштуруш ролини ойнаватқанлиқидин нарази икәнликини инкас қилмақта. (Гүлчеһрә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт