Altaygha mexsus bayliq échish tömür yoli qurulmaqchi


2007-02-06
Share

Altay xewer toridin ashkarilinishiche, 4 - féwral küni altayning burultoqay nahiyiside aptonom rayonluq yer bashqurush, tomur yol idarilirining bir qisim rehberliri hemde bingtu'en 10 - déwiziyisining munasiwetlik bashliqlirining qatnashchiliqida mexsus tömür yol qurulush yighini chaqirilghan. Yighinda, da'iriler burultoqay nahiyisidin bashlap tünbéy tomur yoli namida mexsus tömür yol qurulush pilanini muzakire qilghan.

Pilanlinishiche, altayda yasalmaqchi bolghan bu tömür yolining uzunliqi 459 kilométir etrapida bolup bu yil 4 - ayda resmiy qurulush bashlinidiken. Xitay da'iriliri bu tömür yol qurulushigha besh yérim milyard yü'en meblegh salghan.

Yighinda altay wilayitining mu'awin walisi sarxat "teybéy tömür yolining istratégiyilik ehmiyitini tekitlep "börültoqayda qurulmaqchi bolghan tünbéy tomur yolining ehmiyitini éniq tonup, tömür yol qurulushigha her saheler maslishishimiz kérek, chünki bu tömür yol rayonimizning bayliqlirini échish, gherbni échish, iqtisadini tereqqiy qildurush, dölet chégrisini qoghdash hemde milletler ittipaqliqini ashurushta muhim istratégiyilik ehmiyetke ige" dep tekitligen.

Ilgiri xitay hökümiti qeshqerge tömür yoli ulighandimu, tömür yoli qurulushlirining ehmiyitini yuqiriqigha oxshash sherhiligen idi, emma Uyghurlar xitay hökümitining Uyghur élide élip bériliwatqan tömür yoli qurulushlirining Uyghurlargha menpe'et élip kelmeyla qalmay belki asasliq Uyghur élining bayliqlirini xitay ölkilirige toshup, xitay köchmenlerni téximu köplep Uyghur élige yötkesh, Uyghur élining teb'iy muhitini nacharlashturush rolini oynawatqanliqidin narazi ikenlikini inkas qilmaqta. (Gülchéhre)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet