Uyghur aptonom rayonida tarim aylanma tömür yol liniyisi qurulidu


2005-06-14
Share

Uyghur aptonom rayonluq tereqqiyat we islahat komitétidiki da'irilerning ashkarilishiche, xitay hökümiti 2006 - yildin 2010 - yilghiche xitayning 11 - besh yilliq pilani ichide qumuldin lopnurgha tömüryol yatquzidiken shundaqla qeshqerdiki tömüryolni xoten'ge qeder tutashturidiken.

Xitay axbarat agéntliqining xewer qilishiche, aptonom rayonluq tereqqiyat we islahat komitétitining mu'awin mudiri reyhan yüsüp, tömüryolni lopnurgha tutashturushtiki asasi meqset, mezkur rayonining dunyada az uchraydighan kaliyliq tuz bayliqigha molliqidur, dep körsetken.

Reyhan yüsüpning tekitlishiche, dölet korla bilen qeshqer arisigha tömüryol yatquzushni pilanlighanda kirimning chiqimni qamdiyalmasliqidin ensirigen. U, "hazirqi ehwaldin qarighanda tömüryol yassh toghra bolghan," dep tekitlidi. Emma qeshqerge tömüryol apirish, muhit asrighuchilar we kishilik hoquq pa'aliyetchilirining tenqidige uchrimaqta.

Meshhur kishilik hoquq pa'aliyetchisi rabiye qadir, bu yil aprilda amérika dölet mejlisidiki ispat bérish yighinida korla - qeshqer tömüryolini tenqid qilip, "Uyghurlarning menpe'etige ziyanliq, muhitni weyran qilish xaraktérlik qarghularche tereqqiyat weziyiti yaratti," dep eyibligen.

Aptonom rayonning re'isi ismayil tiliwaldining ashkarilishiche, 2004 - yili xitayning ichkiri ölkiliridin Uyghur aptonom rayonigha kelgen xitay yoluchilarning sani 12 milyon'gha yétip, aldinqi yilgha qarighanda ٪ 23 ashqan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet