Гваңҗу шәһиридә уйғур тиҗарәтчилири билән хитай сақчилири оттурисида тоқунуш йүз бәргән


2004-11-09
Share

Өткән шәнбә күни хитайниң гваңҗу шәһириниң бәййүн районида уйғурлар билән хитай сақчилири оттурисида йүз бәргән тоқунушларда нурғунлиған киши яриланған.

Франсийә ахбарат агентлиқиниң бейҗиңдин хәвәр қилишичә, уйғурлар билән хитай сақчилири оттурисидики тоқунушлар, хитай бихәтәрлик хадимлири гваңҗониң бәййүн районида кавапчилиқ қиливатқан бир уйғурни урғандин кейин келип чиққан.

Хитай гезитлириниң хәвиридә ейтилишичә, хитай сақчилиридин таяқ йигән уйғур тиҗарәтчи дукинини ташлап кетип, узун өтмәй 70 нәпәр әтрапида уйғур билән қайтип кәлгән. Хәвәрдә илгири сүрүлүшичә уйғурларниң қоллирида пичақ төмүр калтәк қатарлиқ қораллар бар икән, бирақ истансимиз мухбириниң бу һәқтә игилигән мәлуматлиридин қарғанда, хитай хәвәр агентлиқлири тәрипидин елан қилинған хәвәрдә илгири сүрүлгән вәқәлик җәряни, әсли йүз бәргән вәқәликтин тамамән пәриқлинидикән. (Әқидә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт