Gwangju shehiride Uyghur tijaretchiliri bilen xitay saqchiliri otturisida toqunush yüz bergen

Ötken shenbe küni xitayning gwangju shehirining beyyün rayonida Uyghurlar bilen xitay saqchiliri otturisida yüz bergen toqunushlarda nurghunlighan kishi yarilan'ghan.

Fransiye axbarat agéntliqining béyjingdin xewer qilishiche, Uyghurlar bilen xitay saqchiliri otturisidiki toqunushlar, xitay bixeterlik xadimliri gwangjoning beyyün rayonida kawapchiliq qiliwatqan bir Uyghurni urghandin kéyin kélip chiqqan.

Xitay gézitlirining xewiride éytilishiche, xitay saqchiliridin tayaq yigen Uyghur tijaretchi dukinini tashlap kétip, uzun ötmey 70 neper etrapida Uyghur bilen qaytip kelgen. Xewerde ilgiri sürülüshiche Uyghurlarning qollirida pichaq tömür kaltek qatarliq qorallar bar iken, biraq istansimiz muxbirining bu heqte igiligen melumatliridin qarghanda, xitay xewer agéntliqliri teripidin élan qilin'ghan xewerde ilgiri sürülgen weqelik jeryani, esli yüz bergen weqeliktin tamamen periqlinidiken. (Eqide)