Sendongda Uyghur oqughuchilar bilen xitay oqughuchilar arisida toqunush yüz berdi


2005.07.01
Share on WhatsApp
Share on WhatsApp

6 - Ayning 27 we 28 - künliri sendong sana'et penliri uniwérsitétida oquwatqan Uyghur oqughuchilar bilen mezkur mekteptiki xitay oqughuchilar arisida toqunush yüz bérip, az dégende besh neper Uyghur oqughuchi xitay oqughuchilar teripidin éghir yaridar qilindi.

Xewerlerge qarighanda yaridar oqughuchilarning biri hazirgha qeder xeterdin qutulalmighan. Weqe, xitay oqughuchilarning mezkur mekteptiki bir Uyghur oqughuchi bilen bir xitay oqughuchi otturisida yüz bergen shexsi majragha arlishishidin kélip chiqqan. Netijide majragha Uyghur oqughuchilar arlishishqa mejbur bolghan.

200 Din artuq xitay oqughuchi mezkur uniwérsitétning chet'el til inistitutidiki Uyghur oqughuchilar yataqigha basturup kirip, 5 neper Uyghur oqughuchini éghir yarilandughan. Oqughuchilar yatiqi xitaylar teripidin weyran qilin'ghan.

Bu jeryanda zibo sheherlik da'iriler qoralliq saqchilarni ishqa salghan bolup, 27 - iyun kechte bashlan'ghan jidelni etisi etigen sa'et 3 te aran basturghan. Oqughuchilar shu kündin bashlap tetilge qoyup bériletti. Xitay metbu'atlirining xewer qilishiche, da'iriler weqeni milliy mesilige yatidighan intayin nazuk mesile, dep qarighan shundaqla jama'et xewpsizlik da'irilirini weqe üstidin tekshürüsh élip bérishke buyrughan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.