Корлидики деһқанлар сақчилар билән тутушуп қалди


2005-08-02
Share

Дуня уйғур қурултийиниң баянатчиси дилшат ришитниң радиомизға мәлум қилишичә, йеқинда, уйғур елиниң корла шәһиригә қарашлиқ ават йезисидики деһқанларниң кевәзликләрни суғуруш үчүн ериқ қезиши сәвәбидин, деһқанлар билән қанун иҗра қилиш тәптиш әтритиниң хадимлири оттурисида тоқунуш йүз бәргән. Шундақла тоқунушта иккила тәрәптин 7-8 дәк киши яриланған.

Нөвәттә, деһқанлар һөкүмәтниң илгири уларға кевәзликләрни суғуруш үчүн ериқ қезиш рухситини бәргәнликини тәкитлимәктә. Әмма бу йәрдики дөләт йәр-зимин байлиқи назаритиниң қанун иҗра қилиш тәптиш әтрити болса, деһқанларниң буни өз алдиға елип бериватқанлиқида чиң турған.

Деһқанларниң ериқ қезишини тосаш үчүн кәлгән мәзкур әтрәт хадимлири, дәсләп бу йәрдики бир деһқанни уруп еғир яриландурғандин кейин, бу йезидики ғәзәпләнгән деһқанлар топлишип, 100 гә йеқин киши он нәччә тәптиш хадими билән қаршилашқан. Нәтиҗидә һәр иккила тәрәптин 3 тин киши еғир яриланған. Шундақла бу тоқунуш корла шәһәрлик җамаәт хәвпсизлик идарисиниң топилаңға қарши туруш әтрити йетип кәлгәндин кейин андин бесиққан.

Нөвәттә мунасивәтлик орунлар, бу вәқәни қандақ бир тәрәп қилиш һәққидә җиддий музакирә елип бармақта икән. Биз бу вәқәни ениқлаш үчүн корла шәһәрлик җ х идариси билән алақилаштуқ. Әмма бу йәрдики нөвәтчи хадим бу һәқтә бир немә дәп берәлмәйдиғанлиқини ейтти. (Пәридә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт