Korlidiki déhqanlar saqchilar bilen tutushup qaldi


2005-08-02
Share

Dunya Uyghur qurultiyining bayanatchisi dilshat rishitning radi'omizgha melum qilishiche, yéqinda, Uyghur élining korla shehirige qarashliq awat yézisidiki déhqanlarning kéwezliklerni sughurush üchün ériq qézishi sewebidin, déhqanlar bilen qanun ijra qilish teptish etritining xadimliri otturisida toqunush yüz bergen. Shundaqla toqunushta ikkila tereptin 7-8 dek kishi yarilan'ghan.

Nöwette, déhqanlar hökümetning ilgiri ulargha kéwezliklerni sughurush üchün ériq qézish ruxsitini bergenlikini tekitlimekte. Emma bu yerdiki dölet yer-zimin bayliqi nazaritining qanun ijra qilish teptish etriti bolsa, déhqanlarning buni öz aldigha élip bériwatqanliqida ching turghan.

Déhqanlarning ériq qézishini tosash üchün kelgen mezkur etret xadimliri, deslep bu yerdiki bir déhqanni urup éghir yarilandurghandin kéyin, bu yézidiki ghezeplen'gen déhqanlar topliship, 100 ge yéqin kishi on nechche teptish xadimi bilen qarshilashqan. Netijide her ikkila tereptin 3 tin kishi éghir yarilan'ghan. Shundaqla bu toqunush korla sheherlik jama'et xewpsizlik idarisining topilanggha qarshi turush etriti yétip kelgendin kéyin andin bésiqqan.

Nöwette munasiwetlik orunlar, bu weqeni qandaq bir terep qilish heqqide jiddiy muzakire élip barmaqta iken. Biz bu weqeni éniqlash üchün korla sheherlik j x idarisi bilen alaqilashtuq. Emma bu yerdiki nöwetchi xadim bu heqte bir néme dep bérelmeydighanliqini éytti. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet