Uyghur ilidiki bingtüenlik xitaylar bilen saqchilar arisida toqunush yüz berdi


2007.10.04

Uyghur ilidiki bingtüenlik paxtikarlar bilen saqchilar arisida paxta bahasidiki talash ‏- tartishtin kélip chiqqan toqunushta 40 tek adem yarilandi.

Merkizi xongkongdiki junggo démokratiye - kishilik hoquqi uchur merkizining ashkarilishiche, weqe ishlepchiqirish - qurulush bingtüenining küytüng shehiridiki 127 ‏- polkigha tewe sushingten deydighan köchmenler yézisida yüz bergen bolup, qoralliq saqchilar bingtüen paxtikarlargha kötürige bérilgen kéwezliklerning paxtisini özliri satmaqchi bolghan we paxtikarlargha toxtamdiki bahadin töwen pul bermekchi bolghandin kéyin toqunush kélip chiqqan.

Junggo kishilik hoquqi we démokratiye merkizi, qoralliq saqchilarning 9 ‏- ayning axirliridin bashlap, weqe yüz bergen yézining kirish we chiqish éghizlirida tekshürüsh ponkitlirini qurup, déhqanlarning paxta sétishini chekligenlikini, saqchilarning kéchisi öymü - öy kirip axturush élip barghanliqini bildürdi. Roytérs axbarat agéntliqining eskertishiche, saqchilarning herikiti höddiger paxtikarlarning ghezipini qozghighan bolup, ular yézidiki saqchi ponkiti we tekshürüsh ponkitlirigha hujum qilghan hem saqchi eslihelirini, bir saqchi mashinisini ziyan'gha uchratqan.

Kishilik hoquqi we dimukratiye uchur merkizi, weqede" az dégende 40 dek adem yarilandi we 25 adem qolgha élindi " dep körsetti. Lékin bu organning eskertishiche, weqedin kéyin uzun ötmey 23 ‏- séntebir küni qolgha élin'ghanlarning hemmisi qoyup bérilgen. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.