Xitay hökümiti chet'ellerdin xitaygha yitip kilidighan radi'o progirammilarni tosush tedbirlirini kücheytti

Xitay hökümiti xelqning chet'ellerdin uchurgha érishishini tosush üchün, ürümchi we qeshqer qatarliq sheherlerge chet'elning radi'o dolqunlirigha kashila qilalaydighan ilghar antinilarni ornatti. Bu antinilarning chögilep turup qisqa dolqun tosush qabiliyiti bar bolup, qaplash da'irisi keng iken.

"Ulugh ira géziti" ning düshenbe küni xewer qilishiche, xitay hökümiti ürümchi we qeshqer qatarliq jaylarda orunlashturghan bu xil ilghar antinilarni firansiye prézidénti jek shirak bu ayning béshida xitayni ziyaret qilishning harpisida, firansiye salis (Thales) shirkitidin sétiwalghan.

Xewerde éytilishiche, bu xil ilghar tipliq antina eswabliri en'giliye b b s radi'o- tilwiziyisi, amérika awazi we erkin asiya radi'osi qatarliq qisqa dolqunluq radi'o progirammilirini tosushta ünümi yaxshi iken. Xitay hökümiti ürümchi we qeshqerdin sirt yene, xitayning xeynen, nenjing, künming qatarliq on nechche sheher we rayunlirigha bu xil antinini orunlashturghan. " Olugh ira géziti" xewiride, xitay hökümitining bu qilmishini, xelqning uchur igellesh hoqoqini depsende qilghanliq dep eyipligen.

Yéqindin buyan radiyomizning heqsiz liniyisige xoten we ürümchi qatarliq jaylardin erkin asiya radi'osi Uyghur bölimining progirammilirini anglashning qiyin boliwatqanliqi heqqide inkaslar kelgen idi. (Arzu)