Xitay toxti mozartni uning yaponiyiliq proféssorigha körsetmigen


2006.08.30

Xitay hökümiti teripidin türmige tashlan'ghan Uyghur tarixchisi toxti mozartning yaponiye tokyo uniwérsitétidiki proféssori sugitaka sato yéqinda xitaydin toxti mozartni qoyup bérishni telep qilip mexsus ürümchige kelgen. Emma xitay da'iriliri uning toxti mozart bilen körüshüp teliwini ret qilghan.

Yaponiyide chiqidighan "asaxi géziti" de bu heqte mexsus " tokyo uniwérsitéti türmige tashlan'ghan Uyghur oqughuchi terepdari" dégen témida maqale élan qilinip, gerche tokyo uniwérsitéti proféssori sugita sato, toxti mozart türmige tashlan'ghandin buyan 4 qétim ürümchige barghan bolsimu, lékin xitay da'irilirining izchil toxti mozartni körsetmey kelgenliki yézilghan.

Toxti mozartning 63 yashliq proféssori sugita sato mezkur gézitke, "méning uni körüshümge yene imkaniyet bolmidi. Biraq xitay hökümitige bizning toxti mozart mesilisige dawamliq köngül bölidighanliqimizni bildürüshimiz ehmiyetliktur" dégen. U yene, xitay hökümitining toxti mozartqa qaratqan bölgünchilikke qutrutush we dölet mexpiyetlikini ashkarilashqa urunush eyibleshlirining toghra emeslikini bildürgen.

Tokyo uniwérsitéti toxti mozart qolgha élin'ghandin buyan, uning mesilisige yéqindin köngül bölüp, xitay hökümitidin izchil uni qoyup bérishni telep qilip keldi. Shundaqla uniwérsitétta uning oqughuchiliq ornini hazirghiche saqlap qélip, uninggha yaponiyige qaytip kelgende oqushini eslige keltürüsh imkaniyitini qaldurdi. (Peride)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.