Уйғур аптоном районида йүз бәргән қатнаш вәқәсидә 10 адәм өлди


2006.10.06

Уйғур аптоном районида пәйшәнбә күни бир йолучилар аптобоси йүк машинисиға урулуп кетип йүз бәргән қатнаш вәқәсидә бир кичик балини өз ичигә алған 10 адәм өлди.

Қатнаш вәқәси пәйшәнбә күни әтигән сәһәр саәт 4:30 ләрдә кучар наһийисидә йүз бәргән болуп, йолучилар аптобоси үрүмчидин ақсу шәһиригә кетип барған иди. Бирләшмә ахбарат агентлиқиниң хәвәр қилишичә, аптобосдики йолучилардин 8 киши нәқ мәйданда өлгән, қалған 2 йолучи дохтурханиға елип берилғандин кейин һаятидин айрилди. Вәқәни өз көзи билән көргүчиләр вәқәдә 4 кишиниң яриланғанлиқини билдүрмәктә.

Бирләшмә ахбарат агентлиқи, қатнаш қораллириға йүкни һәддидин зиядә бесиш, тәлвиләрчә машина һәйдәш вә йол шараитиниң начарлиқи қатарлиқ амиллар районда паҗиәлик қатнаш вәқәлириниң көп йүз беришини кәлтүрүп чиқармақта, дәп көрсәтти.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.