Uyghur aptonom rayonida yüz bergen qatnash weqeside 10 adem öldi


2006.10.06

Uyghur aptonom rayonida peyshenbe küni bir yoluchilar aptobosi yük mashinisigha urulup kétip yüz bergen qatnash weqeside bir kichik balini öz ichige alghan 10 adem öldi.

Qatnash weqesi peyshenbe küni etigen seher sa'et 4:30 lerde kuchar nahiyiside yüz bergen bolup, yoluchilar aptobosi ürümchidin aqsu shehirige kétip barghan idi. Birleshme axbarat agéntliqining xewer qilishiche, aptobosdiki yoluchilardin 8 kishi neq meydanda ölgen, qalghan 2 yoluchi doxturxanigha élip bérilghandin kéyin hayatidin ayrildi. Weqeni öz közi bilen körgüchiler weqede 4 kishining yarilan'ghanliqini bildürmekte.

Birleshme axbarat agéntliqi, qatnash qorallirigha yükni heddidin ziyade bésish, telwilerche mashina heydesh we yol shara'itining nacharliqi qatarliq amillar rayonda paji'elik qatnash weqelirining köp yüz bérishini keltürüp chiqarmaqta, dep körsetti.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.