Үрүмчи шәһиридә 100 миң ишчи-хизмәтчиниң туралғу өй җай җамаәт фонди йоқ


2006.09.13

Хитай һөкүмитиниң авази һесаблинидиған шинҗаң хәлқ радио истансисиниң учуридин ашкарилинишичә, үрүмчи шәһиридики 100 миң ишчи-хизмәтчиниң туралғу-өй җамаәт фонди йоқ икән.

Хәвәрдә ашкарилинишичә, нөвәттә, үрүмчидики пуқраларниң карханилири вә пай түзүмидики карханиларда ишләватқан ишчи-хизмәтчиләрниң сани тәхминән 141 миңдин артуқ болуп, буларниң ичидики 50 миң адәмниңла туралғу-җай җамаәт фонди бар икән.

Инкасларға қариғанда, һазир үрүмчи шәһиридики өйләрниң баһасиниң өсүши билән ишчи-хизмәтчиләрниң өй сетивелишиму қийинлишишқа башлиған болуп, өй сетивалғучиларниң мутләқ көп қисимини хитайлар игилигән.

Дөләт игилики вә пай түзүмидики ширкәтләрниң мутләқ көп қисим ишчи-хизмәтчилириниң хитайлардин тәшкил қилиниши, хитайларниң уйғурларға қариғанда өй сетивелиш мумкинчиликини яритип бәргән икән. Уйғурлардики ишсизлиқниң еғир болуши, уларниң үрүмчидә өй сетивәлип маканлишишиға тосқунлуқ қилмақта икән. (Үмидвар)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.