Ürümchi yermenkisi türkiye sodigerlirige yaxshi shara'it hazirlap bermekchi

Bu yil séntebirde Uyghur élining ürümchi shehiride 17 - nöwetlik soda yermenkisi ötküzülidighan bolup, xitayning munasiwetlik tarmaqliri mezkur yermenkige qatnishidighan türkiye sodigerlirige yaxshi shara'it hazirlap béridighanliqini wede qilghan.
Muxbirimiz jüme xewiri
2008.07.21

 Türkiye axbarat agéntliqining melumatigha qarighanda, bu yilliq ürümchi yermenkiside türkiye shirketlirige 1500 kwadrat métir orun ajritilidighan bolup, bu heqte toxtalghan türkiye dölet ministiri kürshad tüzmen, xitay bazarlirigha kirishte türkiye sodigerlirining qorqumsiz bolushi kéreklikini körsetken.

Tuzmen ependi yene türkiye mallirining choqum xitaydiki iqtisadi kirimi yuqiri kishilerni nishan qilishi kéreklikini körsetken we Uyghur élining türkiye mallirini yaxshi köridighanliqinimu alahide tilgha alghan.

Ürümchi yermenkisi 17 - yildin béri Uyghur élining paytexti ürümchige jaylashqan körgezme merkizide ötküzülüp kelmekte.
Bu yilliq yermenkimu 1 - séntebirdin 5 - séntebirgiche ürümchide ötküzülidu.

Bu yermenkige xitay sodigerliridin bashqa, dunyaning herqaysi jayliridin kelgen nurghun nisbette chet'el sodigerliri jümlidin Uyghur karxanichilarmu özining süpetlik mehsulatliri bilen yermenkige qatnishidu.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.