Ürümchide "türme qanuni" élan qilin'ghanliqining 10 yilliqini xatirilesh murasimi ötküzülgen


2005-01-04
Share

Yéqinda ürümchi rayonidiki her qaysi türme we quramigha yetmigen jinayetchilerni bashqurush we terbiylesh ornidin kelgen 100 ge yéqin türme saqchisi "jongxu'a xelq jumhuryitining türme qanuni" élan qilin'ghanliqining 10 yilliqini xatirlesh murasimigha qatnashqan.

Xitay xelq'ara radi'o istansisi tor bétining bu heqte bergen xewiridin ashkarilinishiche, xatirilesh murasimigha qatnashqan, aptonum rayonluq partikomning mu'awin sékritari, siyasiy - qanun komitéti partikomining sékritari jyang shyuming türme séstimisidikilerdin “türme qanuni” ning izchillishish we emeliylishishini yenimu ching tutup, qanunni ijra qilish, qanun'gha tayinish, ilmiy bashqurush hemde jinayetchilerni özgertishte adil we medeniy bolushni emelge ashurup, aptonum rayonning muqimliqi we tereqqiyati üchün töhpe qoshushni telep qilghan.

Biraq, kishilik hoquq teshkilatliri we chet'ellerde pa'aliyet élip bériwatqan Uyghur teshkilatliri, xitayning türme séstimisi'a'e qanunni ijra qilish, ilmiy bashqurush we jinayetchilerni özgertishte adil we medeniy bolush digen'ge oxshash pirinsiplargha héchqachan hörmet qilmaydighanliqini otturigha qoymaqta.

Amérikida yéqinqi bir qanche yildin béri, xitayning türme saqchilirining kishilik hoquqni éghir derijide depsende qiliwatqanliqi jinayetchilerni urup qiynap, mejburi iqrar qildurup hemde xalighanche ölümge höküm qiliwatqanliqi heqqide köp qétim ispat bérish yighinliri ötküzülgen bolup, türmilerde qattiq jazalan'ghan Uyghur siyasiy mehbuslirimu bu heqte ispat bergen idi. (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet