Уйғур аптоном районидики түрмиләрдә мәһбусларниң 64% дин көпрәкини аз санлиқ милләтләр игилигән


2006-11-17
Share

Хитай әдлийә даирилири уйғур аптоном районидики пүтүн түрмиләрдә мәһбусларниң 64 % тин көпрәкини аз санлиқ милләтләр тәшкил қилидиғанлиқини елан қилди.

Хитай шинхуа ториниң хәвәр қилишичә, уйғур аптоном райони түрмә башқуруш идарисиниң мәсули ваң әйго, " уйғур аптоном районидики пүтүн түрмиләрдә аз санлиқ милләт җинайәтчилириниң игилигән нисбити пүтүн җинайәтчиләр омуми нисбитиниң 64 % дин көпрәкини тәшкил қилиду " дәп тәкитлигән. Лекин у, буниң ичидә уйғурларниң қанчилик нисбәтни игиләйдиғанлиқини шундақла 64 % дин көпрәк аталмиш җинайәтчиләр ичидә сиясий мәһбусларниң қанчилик санни тәшкил қилидиғанлиқини тилға алмиған.

Көзәткүчиләрниң әскәртишичә, җамаәт хәвпсизлик вә дөләт бихәтәрлик органлири тәрипидин тутуп турулуватқан мәһбуслар ваң әйго ашкарилиған бу санниң ичигә кирмәслики мүмкин. Түрмә башқуруш идарисиниң башлиқи бу йәрдә һөкүм елан қилинип иҗра қилиниватқан мәһбусларни көздә тутқан. Лекин хитай җинайи ишлар қанунида җ х вә дөләт бихәтәрлик органлириниң кишиләрни сот мәһкимисиниң һөкүмисиз узун муддәт тутуп туруш яки әмгәк билән өзгәртиш лагирлириға әвәтиш һоқуқи бар. Хитайниң бу әдлийә сестимиси кишилик һоқуқ тәшкилатлириниң тәнқидигә учримақта. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт